د سعودي رسمي خبري اژانس (SPA) راپور ورکوي چې مفتي اعظم شيخ عبدالعزيز بن عبدالله بن محمد الشیخ مړ شوی دی. نوموړی د سعودي عالمانو شورا مشر و او همدارنګه د اسلامي څېړنو او فتوا مشر و، چې مقام یې د وزیر سره برابر و. هغه همدارنګه د اسلامي نړۍ ليګ د عالي شورا مشر و.
د سې شنبې په ورځ د رياض ښار "امام ترکي بن عبدالله" جومات کې د هغه جنازه ترسره شوه. د سعودي پاچا سلمان بن عبدالعزيز لارښوونه کړې ده چې د مفتي اعظم د جنازې لمونځ دې په مکه مکرمه، مدینه منوره او په ټولو جوماتونو کې ادا شي.
د سعودي شاهي محکمه ویلې چې د شیخ عبدالعزيز له مړینې سره سعودي سلطنت او ټولې اسلامي نړۍ یو ډېر نومیالی ديني عالم له لاسه ورکړی دی، څوک چې د اسلام او مسلمانانو په خدمت کې لوړه ونډه درلوده.
پاچا سلمان بن عبدالعزيز او ولیعهد محمد بن سلمان خپلې خواخوږۍ څرګندې کړې او د هغه د کورنۍ، د سعودي خلکو او د اسلامي نړۍ سره یې د غم شریکی اعلان کړی دی.